காஃப்கா நுண்மொழி-23

-

காஃப்கா நுண்மொழி-23


    “நேர்மையான ஒரு எதிராளியிடமிருந்து அளவற்ற ஆற்றல் நம்முள் பாய்கிறது”

என் எண்ணம்

    ஒரு எதிராளியிடமிருந்து ஆற்றல் நம்முள் பாய்கிறதா?  காஃப்கா சொல்லும் அனைத்தையும் நாம் ஒப்புக் கொள்ளவேண்டும் என்று அவசியமில்லை.  மறுப்புகளும் இருக்கலாம்.  ஆனால் இந்த நுண்மொழி, நாம் நம் அனுபவத்தில் என்ன உணர்ந்திருக்கிறோம் என்பதைப் பொறுத்து ஒப்புக் கொள்ளக் கூடியதாகவும், மறுப்பதாகவும் இருக்கலாம்.  ஒரு பொதுப்புத்தியில், இப்படித் தோன்றலாம்:- ஒரு எதிராளி நம்மிடம் நேரடியாக மோதும் போது நம்முள் ஒரு உத்வேகம் கிளம்பி அவனை வீழ்த்த முயற்சிக்கிறோம்.  இருவருக்கும் அப்படியே.  அந்த உத்வேகத்திற்கு அவனுள் இருந்து பாயும் ஆற்றல் என்று பொருள் கொள்வது சரியா?  இருவருக்கும் ஒரு போட்டி நிகழும் போது  கூடுதல் ஆற்றல் பெருகுவது உண்மைதான்.  இருவரில் ஒருவர் தோற்கும் போது அவருக்கு ஆற்றல் பெருகவில்லை என்று பொருள் இல்லை.

    நான் எனது பள்ளிக் காலங்களில் இதை உணர்ந்திருக்கிறேன் என்று சொல்லலாம்.  ஒவ்வொரு தேர்விலும், எனக்கும் சக மாணவனுக்கும் போட்டியிருந்ததுண்டு.  யார் முதல் ரேங்க் பெருவது என்று போட்டியிடுவோம்.  மாறி மாறி அதில் வெல்வோம்.  அப்போது ஒரு ஆற்றல் பிறக்கும்.  அது அவனிலிருந்து நமக்குள் பாய்ந்ததாக அர்த்தம் கொள்வதா?

காஃப்கா இக்கருத்தை வாலியின் கதையிலிருந்து எடுத்திருப்பாரா?  காஃப்காவின் இக்கருத்திருக்கு ஒரு விளக்கம் இருக்கிறது.  அதாவது, எதிரி நேர்மையானவனாக இருக்க வேண்டும் என்பது ஒரு நிபந்தனை.  வாலியின் எதிரி நேர்மையாக நடந்த கொண்டாரா என்பது கேள்வி.

நேர்மையற்ற ஒரு எதிரியிடமிருந்து நமக்கு ஆற்றல் பிறப்பதில்லை என்பது எனது அனுபவம்.  ‘யூ டூ புரூட்டஸ்’ என்று சரியும் போது, சீசருக்கு எந்த ஆற்றலும் கிடைத்திருக்காது, இல்லையா?

நிச்சயமாக அது ஜார்ஜ் ஃபிளாய்டிற்கு கிடைக்கவில்லை என்பது நிகர்சனம்.


கருத்துகள்

கருத்துரையிடுக

இந்த வலைப்பதிவில் உள்ள பிரபலமான இடுகைகள்

காஃப்கா நுண்மொழி-20

-
படம்
காஃப்கா நுண்மொழி-20     ஆலயங்களின் பலிபீடத்திலிருக்கிற குடுவைகளில் உள்ள படையலை குடித்து தீர்க்கின்றன அத்து மீறும் சில சிறுத்தைகள்.   இவை மீண்டும் மீண்டும் தொடர்ந்து நிகழ்கின்றன.   பின்னாள் இவையும் கணக்கில் கொள்ளப்பட்டு, பிறகு அதுவும் ஒரு சடங்கின் பகுதியாகிறது. என் எண்ணம்: இந்த நுண்மொழியை படிக்கும் போது, நமக்கு ஏற்கனவே அறிமுகமாகியிருக்கிற ஜென் கதை ஒன்று ஞாபகத்திற்கு வருகிறது. ஒரு ஜென் துறவியும் அவரது சிஷ்யர்களும் தியானம் செய்து கொண்டிருக்கும் போது ஒரு பூனை சத்தம் போட்டுக்கொண்டே குறுக்கும் நெடுக்கும் அலைந்ததால், தியானத்திற்கு இடையூறாய் இருப்பதாய் கருதி அந்த துறவி ”பூனையைக் கட்டிப்போடுங்கள்” என்று உத்தரவிட்டார். சில ஆண்டுகள் கழித்து அந்த துறவி இறந்து விட்டார். ஆனாலும் அந்த பூனையைக் கட்டிப் போடும் பழக்கம் தொடர்ந்து கொண்டிருந் தது . மேலும் சில வருடங்கள் கடந்தன. அந்த பூனையும் இறந்து விட்டது. வேறொரு பூனை வரவழைக்கப்பட்டு கட்டி வைக்கப் பட்டது. பல ஆண்டுகள் கழித்து சீடர்கள் ,” நம் மத வழக்கப்படி பூனையை தியான நேரத்தில் கட்டி வைக்க வேண்டும்” என நூற்குறிப்புகள் எழுதி வைத்தன ர். இந்த நுண்ம
தொடருங்கள்

Kafka Aphorism-5

-
படம்
காஃப்கா நுண்மொழி -5 “ ஒரு எல்லைக் கோட்டிலிருந்து திரும்புதல் என்ப து கிடையாது .   அதுவே அடையப்பட வேண்டிய எல்லை .” தனியாக பொருள் தரும் இந்த நுண்மொழியுடன் , ‘திரும்புதல்’ குறித்த, இதற்கு முந்தைய இரண்டு மொழிகளையும் சேர்த்து சிந்திக்க வேண்டியிருக்கிறது . மூன்றாவது நு . மொ . Paradise Lost – பொறுமையின்மை காரணமாக சொர்க்கத்தை இழந்தவர்களுக்கு வீடு ‘ திரும்புதல் ’ கிடையாது .   நான்காவது நு . மொ .   மரண ஆற்றின் கரையில் அமர்ந்துவிட்டவர்கள் திரும்புகிறார்கள் .   அந்த ஆற்றை கடந்துவிட்டவர்களுக்கு ‘ திரும்புதல் ’ என்பது கிடையாது . எனவே இந்த நுண்மொழி அடையவேண்டிய லட்சியம் குறித்ததா அல்லது திரும்புதல் இல்லாத, கடந்துவிட வேண்டிய எல்லை குறித்ததா என்பது தொடர் சிந்தனைக்குரியது. காஃப்காவின் ஆன்மீக பின்னணியில் இது மரணத்திற்கு பிந்தைய நிலை குறித்தும், சொர்க்கத்திற்கு செல்லும் பாதை குறித்தும் பேசுகிறது என்றே நினைக்கலாம். நமது வாழ்வில் நமது லட்சியம் குறித்து, திரும்புதல் என்கிற சிந்தனை இல்லாத, எல்லையற்ற பயணம் குறித்து பேசுவதாகவும் எடுத்துக் கொள்ளலாம். ஜென் கதை ஒன்று ஞாபகத்திற்
தொடருங்கள்

காஃப்காவின் நுண்மொழி-29

-
படம்
காஃப்காவின் நுண்மொழி -29     “ தீமையை உள்வாங்கிக் கொள்வதற்கான உனது தரம் தாழ்ந்த நடவடிக்கைகள் உண்மையில் உன்னுடையது அல்ல .  அவை தீமையினுடையவை .”     “ தனது எஜமானனைப் போலாக வேண்டும் என்று , அவன் கரத்திலிருந்து சவுக்கைப் பிடுங்கி தன்னை தானே அடித்துக் கொள்ளும் மிருகம் – பாவம் அதற்குத் தெரியாது , அந்த சவுக்கிலிருக்கிற புதிய முடிச்சு செய்யும் ஜாலம் இதுவென்று .” என் எண்ணம் :     புலியைப் பார்த்து பூனை சூடு போட்டுக் கொள்வது ஒரு இழிவான செயல் .  எஜமானன் கையில் சவுக்கு இருப்பதால்தான் அவன் எஜமானன் என்று நினைத்து , அச்சவுக்கால் அடிமை தன்னைத் தானே அடித்துக் கொள்வது முட்டாள்தனம் .  சவுக்கு உன்னுடையதில்லை,  ‘ தீமை ’ யினுடையது என்கிறார் காஃப்கா .     தீயாரைக் காண்பதுவும் தீதே திருவற்ற தீயார் சொல் கேட்பதுவும் தீதேயாம்   –   தீயார் குணங்களுரைப்பதுவும் தீதே யவரோ      டிணங்கி யிருப்பதுவுந் தீதே .
தொடருங்கள்